Xob Ua Phem Pauj Phem

Tam nuav yog peb tsi ceevfaaj rua peb lub neej ntseeg Vaajtswv tag tag mas ntshe peb yeej yuav poob ntawm Vaajtswv moog tag tag le. Zoo le najnub nwg nuav peb tsi yog sis tw ua lub neej zoo hab dlawbhuv pub rua peb tug Vaajtswv tau ntsejmuag tabsis peb sis tw ua lub neej phem saib ib leeg puas pauj tau ib leeg txujkev npau, tshwjxeeb yog peb tej khub namtxiv. Yog kuv yuav has ces peb cale muaj lub sab xaav has tas ‘poob ntuj tawg los ua ib sab…kaavlam.’   Muaj ib txha tsi has quaspuj lossis quasyawg mas tog tsi taug nwg tug spouse ua txhum ces nwg maaj nrooj yuav moog ua pauj hab. Kuv ntseeg has tas tug kws nwg xwbtim qheb nwg lub qhovmuag hab muaj lub sab ntshaw moog ua txujkev txhum ces tej zag nwg yeej txavtxim sab ua le ntawd hab nwg yeej tsi muaj ib nploojsab has tas yuav mob nwg tug spouse lub sab npaum le caag. Tabsis tug kws nwg lomtxwm moog ua pauj saib puas mob nwg tug spouse lub sab mas tug nuav hajyam hurt hab yeej tsi muaj kev kaajsab ib zag le hab. Yog muab has lug ob tug nuav, ob tug lub neej yeej zoo ib yaam nkaus.

Ib leeg yeej tsi paub hlub ib leeg lawm tag hab qhov luj tshaaj koj tub tsi paub hlub koj lub cev lawm hab. Nwg nuav peb tsi yog rhu rag rhu phom lug moog sis pauj lawm tabsis peb nyag taug nyag khaav rua nyag txujkev kws muaj peevxwm ua phem pauj phem lug moog sis pauj lawm. Peb xaav ua kuas peb tug spouse khib peb tshuav tuag saib nwg puas yuav hloov rov lug hlub yug, tabsis qhov tseeb tag peb ho tub tsi paub hlub peb tug kheej hab peb tub tsi paub has tas muaj ib tug kws khib peb kawg nkaus le Nwg txhaj lug tuag kag sau tug ntoo khaublig theej peb suavdlawg lug txhoj. Tug ntawd yog tug Tswv Yexus tug kws koj ua txuj tsi ncu qaab txug Nwg lawm. Yog thaus peb lub neej peb pum qhov ua phem pauj phem zoo le nuav xwb ces ntshe lub neej kws peb has tas yog ib tug ntseeg nua tseem nyob dleb ntawm peb tug Tswv Yexus heev. Yog thaus peb nyob lub neej zoo le nuav lawm peb yuav ua le caag?

1. Rau sab thov Vaajtswv paab kuas peb xob raug tej kev simsab kws yuav coj tau peb moog tau rua qhovchaw puamtsuaj.
2. Peb tsi xob khibsab rua cov tuabneeg kws najnub nyam ua kev lomzem, kev nkauj kev nraug, kev phem kev qas, tabsis peb yuav tsum ua tuabzoo yug peb txujkev ntseeg kuas phim qhov kws Vaajtswv tub hu peb lug ua Nwg le ib tug mivnyuas lawm. Ntau lub sijhawm peb yeej tsi xaav ca peb tug spouse moog poob rua txujkev nkauj kev nraug tabsis nwg yeej xaiv txujkev ntawm taug lawm ces peb kuj tsi pum qaab yuav paab tau le caag, tsuas yog thov Vaajtswv paab saib puas muaj nub kws nwg rov tig nwg lub sab lug leeg txim rua Vaajtswv xwb. Qhov kws peb yuav tau ceevfaaj yog tsi xob khibsab rua txujkev ua phem pauj phem tsaam puag peb lub neej kev sis raug nrug peb tug Vaajtswv.
3. Paub ntshai Vaajtswv txujkev txavtxim. Tsi muaj ib yaam dlaabtsi kws peb ua es Vaajtswv yuav tsi nrug peb paub. Nyob huv Loos 6:23 yeej qha meej rua has tas nuj nqes ntawm txujkev txhum ces yog kev tuag. Nub nua yog kev lomzem xyiv faab rua koj tabsis lwm nub tsuas tshuav txujkev tuag lug nyob ua koj kwvluag lawm xwb.
4. Leeg peb lub txim rua ntawm Tswv Yexus. Yog peb lub neej taabtom nkaag moog rua txujkev ua phem pauj phem nuav cale nrhav dlua lwm txujkev taug. Tswv Yexus yeej has nyob rua huv Yauhaas 14:6 has tas nwg txhaj yog txujkev, qhov tseeb, hab yog txujsa. Leejtwg yuav nyam xaiv ua qhov twg los xijpeem tabsis ca Vaajtswv txujlug kws nyob huv Filip 4:13 has tas “I can do everything through him who gives me strength.”               

By: Kx. Num Nyaj Hawj